АҚШ президентлигига номзод Дональд Трамп Шимолий Корея етакчиси Ким Чен Инга етарлича баҳо бермасликнинг мақбул иш эмаслигини маълум қилди. Бу ҳақда The Independent ёзмоқда.
“Бу йигит ҳали ёш, у генераллар билан ишлай олади, унинг отаси вафот этди ва у [улар устидан] назоратни сақлаб қолмоқда. Нимадир содир бўлмоқда. Бундай йигитга паст баҳо берманг. Унга паст баҳо берманг!” – деди Трамп 6 февраль куни Флоренцияда (Жанубий Каролина штати) бўлиб ўтган митингда.
Шу билан бирга, сиёсатчи Ким Чен Ин унга ёқмаслигини айтиб, уни савдойи бўлса керак, дея тахмин қилди.