Профессионал бокснинг биринчи ярим ўрта вазн тоифасида собиқ жаҳон чемпиони, британиялик 29 ёшли Амир Хон енгилмас боксчи сифатида фаолиятини якунлаган Флойд Мейвезер билан текинга жанг ўтказмоқчи бўлгани ҳақиа маълум қилди. Амир Хоннинг фикрича, Мэйуэзер британиялик боксчи билан жанг қилишдан қўрққан.
“Мен ушбу жангнинг ўтказилиши учун астойдил ҳаракат қилдим. Биз бу жанг ўтказилишига жуда яқин келгандик. Мен ўзимникиларга у билан текинга жанг қилишга ҳам розилигимни билдиргандим. Лекин, очиғини айтсам Флойд менга қарши рингга чиқиш учун қўрқоқлик қилди. Мен шунчаки бутун дунёга ундан кўра зўрроқ эканимни кўрсатиб қўймоқчи бўлгандим.
У мен билан жанг қилишга юраги дов бермади ва осон йўлдан юрди. Менинг вазн тоифамда мен билан жанг қилишни ҳеч қайси боксчи истамаяпти. Мени Мэйуэзердан ташқари Пакьяо ва Дэнни Гарсия рад қилишди. Шундай вазиятки, ҳеч ким менга қарши жанг қилишни истамаяпти. Ҳолбуки, мен юқорига ҳаракатланишим керак. Мен катта жанглар ўтказишни истайман", - деди Амир Хон.
Маълумот учун, Амир Хон ўзининг навбатдаги жангини 7 май куни АҚШнинг Невада штати Лас-Вегас шаҳрида ўрта вазн тоифасида WBC йўналиши чемпиони мексикалик 25 ёшли Сауль “Канело” Альваресга қарши ўтказади.