UK Oil and Gas Investments (UKOG) компанияси ўзлаштираётган Лондон яқинидаги Хорс-Хилл-1 нефть қудуғи биринчи марта барқарор нефть оқимини берди.
Компания матбуот баёнотига кўра, бу ерда нефть 900 метр чуқурликдан ўз босими билан қўтарилмоқда. Синовлар давомида кунига 463 баррель нефть қазиб олишга муваффақ бўлинди.
Бу хушхабар ортида UKOG компаниясининг акциялари 77 фоизга кўтарилиб кетди, бироқ кейинроқ пастлади ҳамда ўсиш 40 фоиз даражасида ўрнатилди.
Schlumberger компанияси ҳисоб-китобларига кўра, UKOG’га нефть қазиб олишга рухсат берилган 55 квадрат миль майдонда 10,9 млрд баррель нефть бўлиши мумкин.
Лондоннинг Гатвик аэропорти яқинида нефть кони аниқлангани 2015 йил баҳорида маълум бўлганди. Ўшанда нефть захиралари 50-100 млрд баррелга баҳоланган. Компания раҳбарияти 2030 йилга келиб Буюк Британиянинг нефтга бўлган талабини 15 фоизгача таъминлашини прогноз қилганди.