АҚШ президенти лавозимига номзод Дональд Трамп Apple компаниясига қарши бойкот эълон қилишга чақирди.
Миллиардернинг бундай қилишига Apple’нинг Федерал қидирувлар бюроси билан ҳамкорлик қилишдан бош тортаётгани сабаб бўлди. АҚШ ҳуқуқ-тартибот муассасалари Apple’га сан-бернардинолик террорчининг мобиль телефонини очишда ёрдам беришини сўраб мурожаат қилган. Бироқ компания бу илтимосга рад жавобини берган.
"Apple бу маълумотни бермагунча, уни бойкот қилинглар", деб айтди Трамп.
Компания раҳбари Тим Кук Калифорния суди чиқарган фармойишга қарши бориб, ФҚБга ёрдам беришдан бош тортган. Кукнинг бу қарорини Google, Facebook ва WhatsApp компаниялари қўллаб-қувватлади.