«Ливерпуль» жамоаси бош мураббийи Юрген Клопп Англия чемпионатининг 29-турида «Кристал Пэлас»га қарши кечадиган сафар баҳси арафасида журналистлар билан гаплашди.
«Спортда ғазабдан ҳам фойдаланиш мумкин. Биз «Кристал Пэлас»га қақшатқич тарзда жавоб зарбаси беришни истаймиз. Бу ўйинга кўзимиз қонга тўлган ҳолда тушиш учун сабаблар жуда кўп.
Бу жисмонан томондан яхши тайёргарликка эга кучли жамоа. Дастлабки 5 дақиқада улар бизнинг ғазабимизни қўзғайдиган 500та сабабни юзага келтиришлари мумкин», – дейди Клопп.
Эслатиб ўтамиз, мавсумнинг биринчи даврасида «Кристал Пэлас» сафар ўйинида «Ливерпуль»ни 2:1 ҳисобида мағлуб этиб қайтганди.