АҚШнинг Калифорния штати, Эльдорадо Хиллс шаҳрида 200 нафар ўсмир улкан базм уюштирди. Базму жамшид яқинда сотилган ва ҳамон бўш турган коттежлардан бирида содир бўлди. чақирувга етиб келган полиция 14 нафар ўсмирни ҳибсга олган. Қолганлар эса яширинишга улгурган. Бу ҳақда KCRA-ТV хабар бермоқда.
Қўшнилардан бирининг маълум қилишича, уларникига икки қиз келиб, яқинда катта базм бошланишини, аммо улар жимликни сақлашга ҳаракат қилишга ваъда бериб кетишган. “Аммо уларнинг бегона уйда тантана қилишлари жуда шубҳали туюлди”, — деб гувоҳнинг сўзларидан иқтибос келтиради KCRA-ТV.
Манбанинг маълум қилишича, коттежда олиб борилган текширув ишларидан сўнг шу нарса аён бўлганки, уйга жиддий тарзда моддий зарар етказилган. Полиция уй деворларининг бир неча қисмида бир неча тешикларни аниқлаган. Булардан ташқари, уйнинг бошқа ерларига ҳам зиён етказилган.