“Медприборы” заводи расмий вакили ва менежери Вера Грезнева “360 Подмосковье” телеканалига “Дезар-7” моделидаги нурлантиргичнинг савдоси ўсганини айтди. Бу нурлантиргич Россия президенти Владимир Путиннинг ишчи хонасида Суриядан қўшинларни олиб чиқишга бағишланган мажлисда олинган лавҳага тушгандан кейин содир бўлди.
Грезневанинг айтишича, компанияда дастлаб савдонинг ўсишига нима сабаб бўлганини англашмаган.
“Кеча “Дезар-7”га 4-5 та буюртма берилган бўлса, бугун унга 20 та буюртма берилди. Биз кеча интернетда бу видеони кўрган бўлсакда, эрталаб дастлаб бу ҳолатни тушунмадик”, деб айтмоқда Грезнева.
Бундай қурилма 13 минг рубль туради, у ҳавони зарарсизлантиради ва уни ультрабинафша нурларидан фойдаланувчи кварцлаш ускунасидан фарқли ўлароқ, одамлар бўлганда ҳам ишлатса бўлади. Бундай ускуналар сил, грипп, нафас йўллари касалликлари ва бошқа юқумли касалликларнинг олдини олиш учун қўлланади.
Мутахассиснинг айтишича, аввал мижозлар бундай нурлантиргични уйда ишлатиш учун кам ишлатишган. “Бу қурилмалар шундоқ ҳам оммабоп, бироқ уйда ишлатиш учун “Дезар-7”га кам буюртма беришарди. Кечаги видеодан кейин айнан уни сотиб олишни бошлашди. Уйда ишлатиш учун одатда “Дезар-4”дан кўпроқ сотиб олинарди”, деб қўшимча қилди Грезнева.
Владимир Путиннинг Сергей Лавров ва Сергей Шойгу билан учрашуви 14 мартда Кремлда бўлиб ўтганди. Йиғилиш вақтида олинган суратлардан бирида дазмол тахтасига ўхшаш бўлган нурлантиргични яққол кўриш мумкин бўлган.
Путиннинг ишчи хонасида бактерияларга қарши нурлантиргич аниқланди