12-чақириқ Бутунхитой халқ вакиллари йиғилиши 4-сессия ёпилиши маросимида 13-бешйиллик режасини қабул қилди, деб хабар бермоқда ТАСС ахборот агентлиги.
Бу режада Хитойнинг 2016-2020 йиллардаги ижтимоий-иқтисодий ривожланишининг асосий йўналишлари ва кўзда тутилган кўрсаткичлари белгилаб қўйилган.
Маросимда иштирок этган 2859 делегатдан ушбу режа тўғрисидаги қонун лойиҳасининг қабул қилинишига 2778 делегат овоз берди. Таклиф қилинган бешйиллик режасига 53 киши қарши чиқди ва 25 киши бетараф қолди.
Янги бешйилликда Хитой ҳукумати ялпи ички маҳсулотнинг ўртача йиллик ўсишини 6,5 фоиздан кам бўлмаган даражада бўлишини прогноз қилмоқда. Шу тариқа навбатдаги бешйиллик охирига келиб Хитой ялпи ички маҳсулоти тахминан 90 трлн юанга (13,8 трлн долларга) етади.