Хитойда ракета-ташувчиларни лойиҳалаш ва учиришга ихтисослашган мамлакатдаги биринчи компания яратилмоқда. “Синьхуа” ахборот агентлигининг маълум қилишича, компания ракетасининг биринчи тижорий парвози 2017 йилда амалга оширилиши режалаштирилмоқда.
“Хитойнинг “Саньцзян” коинот корпорацияси айни вақтда Хитойда тижорат асосида ракеталар яратадиган ва уларни учирадиган биринчи компанияни яратиш билан шуғулланмоқда”, деб айтди корпорация бош конструктори Ху Шэнъюн.
Унинг айтишича, 2017 йилда корпорация томонидан яратилган “Куайчжоу-11” ракетаси учирилиши режалаштирилган.
Ху Шэнъюннинг айтишича, “Куайчжоу” сериясидаги биринчи каттиқ ёнилғида ишловчи кичик ўлчамли ракета ташувчилар – "Куайчжоу-1" ва "Куайчжоу-2" мос равишда 2013 ва 2014 йилларда учирилган.
“Тижоратлаштириш сунъий йўлдошлар ишлаб чиқиш ва учириш нархини пасайтиришга ҳамда интернетнинг “коинотда жойлашуви”ни ривожлантириш стратегиясига мос келади ва кенг кўламли бозор истиқболларига эга”, деб айтди мутахассис.
Мутахассис Хитой космонавтикасининг тижорат соҳасини фаол илгари суриш учун махсус давлат режасини тузишни таклиф қилмоқда ва бу соҳада давлат қўллаб-қувватловини кучайтириш зарур деб ҳисобламоқда.