18 мартда Ҳиндистон полицияси полиция отига оғир жароҳатлар етказганликда гумон қилинаётган сиёсатчи Ганеша Жошини ҳибсга олди, деб хабар берилмоқда ОАВларда.
Полиция маълумотларига кўра, етакчи Ҳиндистон халқ партиясининг Уттаракханд штатидаги Массури шаҳридан бўлган депутати Жоши Ҳиндистон шимолида норозилик намойиши вақтида отга калтак билан жароҳат етказган, оқибатда отнинг оёғи синган.
Ветеринарлар журналистларга Шактиман лақабли отда гангрена бошлангани сабабли унинг оёғини олиб ташлашга тўғри келганини, бироқ инфекция бутун танага тарқалиб кетгани сабабли операция ёрдам бермагани ва от ўлганини маълум қилишган.
Полиция отнинг калтакланишига алоқадор бўлган бошқа гумонланувчилар ҳам қидирилаётганини маълум қилди.
Жоши бу айбловларни сиёсий сабаблар билан қўйилаётганини айтмоқда. Унинг айтишича, электрон ОАВлар томонидан чоп этилган, гўёки ушбу нохуш ҳолат тасвирланган видео Жошининг аввал от олдида калтак кўтараётгани тасвирланган эски видеоёзув ёрдамида монтаж қилинган. Сиёсатчи бу видео отнинг калтакланишига ҳеч қандай алоқаси йўқлигини таъкидламоқда.
“От унинг эгарини кимдир тортганда йиқилиб, оёғини синдириб олган”, деб айтмоқда Жоши.
От билан боғлиқ воқеа ҳинд ижтимоий тармоқларида норозиликларга сабаб бўлди, бироқ сиёсатчининг ҳибсга олинишига ҳам штат аҳолиси томонидан норозилик билдирилмоқда.