АҚШ президенти Барак Обама ABC News телеканалига берган интервьюсида Кубанинг собиқ раҳбари Фидель Кастро билан қачондир учрашишдан хурсанд бўлишини айтиб ўтди.
"Бизнинг учрашишимиз тарихдаги совуқ урушлардан бирининг барҳам топишининг ўзига хос рамзи бўлади", дейди Обама.
Бундан олдинроқ, Кубанинг амалдаги раҳбари Рауль Кастро ва Обама ўртасида Кубадаги сиёсий маҳбуслар борасида баҳс бўлгани хабар қилинганди.
АҚШ президентининг Кубага ташрифи деярли 90 йилдан буён энди амалга ошмоқда. Сафар чоғида президентга оила аъзолари, Давлат котиби Жон Керри, Куба билан мулоқотни кенгайтириш тарафдори бўлган бир неча нафар республикачи конгрессмен ва америкалик бизнесменлар гуруҳи ҳам ҳамроҳлик қилмоқда.