АҚШлик тадқиқотчилар АҚШ ҳарбий-денгиз кучларининг деярли 100 йил аввал йўқолиб қолган кемасини топишга муваффақ бўлишди.
Кема АҚШ океаник ва атмосфера тадқиқотлари Миллий бошқармаси мутахассислари томонидан топилди. Улар 95 йил аввал изсиз йўқолган АҚШнинг шатакка олувчи Conestoga кемасини топишганини маълум қилишди.
"Деярли бир асрлик мавҳумликдан кейин Conestoga йўқолиши бошқа ғайритабиий ҳодиса эмас", деб маълум қилди бошқарма.
Conestoga кемаси 1921 йил 25 мартда Сан-Франциско портидан чиқиб, Гавайига кетаётганда йўқолиб қолган. Кеманинг қолдиқлари 2009 йилда Сан-Францискодан ғарбга томон 50 км узоқликда 60 метрлик чуқурликда топилган эди. Бироқ ўшанда олимлар қолдиқларнинг қайси кемага тегишли эканини аниқлай олишмаганди.
Дастлабки маълумотларга кўра, кема бўронга тушиб, фалокатга учраб, чўкиб кетган.