Париждаги қўпорувчиликларни уюштиришда гумон қилинаётган Абдулҳамид Абауднинг Афинадаги хонадони тинтув қилинганда компьютер ва флешка топилгани ҳақида Бельгия ОАВи хабар қилмоқда. Қайд этилишича, уларда Брюссель аэропорти харитасининг электрон нусхаси ҳам бўлган.
Абдулҳамид Абауд 13 ноябр куни Парижда содир этилган терактлардан сўнг Сен-Дени шаҳрида ўтказилган махсус амалиёт чоғида ўлдирилган эди. Унинг уйида террорчилар тўплангани аниқлангач, ҳужум қилинганди.
Ўтган йилнинг 13 ноябрида Парижда бир нечта террористик ҳужумлар амалга оширилган, қаҳвахонанинг ўққа тутилиши, «Батаклан» театрида инсонларнинг гаровга олиниши ҳамда «Стад де Франс» стадионида амалга оширилган портлашда 130 киши ҳалок бўлганди.
Шу йилнинг 22 мартида эса Брюсселда 3та портлаш содир этилди. Аэропорт ва метрода юз берган ҳодисаларда ортиқ одам қурбон бўлган, 300 нафардан зиёд киши яраланган.