EgyptAir самолётини гаровга олгани айтилган, Мисрдаги ва АҚШдаги университетлар профессори бўлган Иброҳим Самаҳа бу адашув бўлгани ва ўзининг оддий йўловчи эканини маълум қилган.
"Биз нималар рўй берганини билмадик. Биз самолёт бортига чиққандик ва экипаж аъзолари паспортларимизни йиғиб олишга киришганини кўриб ҳайрон бўлдик. Самолёт ичкарисида нимадир бўлаётгани аниқ эди <...> Кейин тушуниб етдикки, биз Қоҳирага эмас, шимолга уча бошладик. Яъни, Кипрга. Аввалига экипаж самолётда техник носозлик юз берганини, кейинроқ самолёт гаровга олинганини маълум қилди", дея ҳикоя қилади Самаҳа.
Бундан олдинроқ, Миср ҳукумати ушбу профессордан хатолик туфайли қўйилган айблов учун узр сўрагани ҳақида хабар берилганди.
Аниқлик киритилишича, самолёт Сайф ад-Дин Мустафо исм-шарифли шахс томонидан олиб қочилган.
Эслатиб ўтамиз, 29 март куни тонгида Александриядан Қоҳирага учаётган самолёт йўловчилардан бирининг талаби билан йўналишни ўзгартириб, Кипрнинг Ларнака шаҳрига бориб қўнгани ҳақида маълум қилинганди.