Мисрнинг Александрия шаҳридан Қоҳирага учаётган А320 самолётини гаровга олиб, Кипрга олиб кетган ва учувчиларга самолётни Ларнака аэропортига қўнишни кўрсатма қилган шахс кипрликлар билан музокарада ўз шартларини маълум қилди.
У аэропортдан полициячиларни олиб кетишни талаб қилган.
Айни вақтда ҳудудга полиция кучлари ва "тез тиббий ёрдам" машиналари келтирилган.
Бундан олдинроқ, самолётни гаровга олган шахс бортдаги аёллар, болалар ва мисрлик йўловчиларни қўйиб юборгани ҳақида хабар берилганди.
Самолёт бортида авиақароқчидан ташқари 55 йўловчи ва экипажнинг 7 аъзоси бўлган.