Ҳозирги пайтда Ўзбекистон республикаси ички ишлар идоралари ҳузуридаги қўриқлаш бўлинмаларида 177та техник қўриқлаш пункти мавжуд бўлиб, улар томонидан 19 мингдан ортиқ объект қўриқланмоқда. Бу ҳақда “Постда” нашри хабар бермоқда.
Мазкур йўналишдаги ишлар жадал давом эттирилиб, автоматлаштирилган марказий кузатув ва хабар узатиш техник қўриқлаш пунктларини яратиш бўйича “Professional Security Systems” МЧЖ томонидан лойиҳа ва смета ҳужжатлари ишлаб чиқилди.
Тошкентдаги 51та электрон АТСда “Қўриқлаш” бирлашмаси ҳамда Тошкент шаҳар ИИББ ҳузуридаги қўриқлаш бошқармасининг етакчи мутахассислари билан биргаликда лойиҳани жорий қилиш бўйича қурилиш-монтаж ишлаб олиб борилди. Ҳозирга қадар 37 та электрон АТСда монтаж ишлари якунига етказилди.
“Qizilqum connect” МЧЖ томонидан Фарғона вилоятида 23та электрон АТС ва 10та техник қўриқлаш пункти, Андижон вилоятида 17та электрон АТС ва 12та техник қўриқлаш пункти ҳамда Наманган вилоятида 19та электрон АТС ва 11та техник қўриқлаш пунктининг лойиҳа, смета ҳужжатлари ишлаб чиқилди.
Маълумот учун: 2015 йили ички ишлар идоралари ҳузуридаги қўриқлаш бўлинмалари “Motorola” русумидаги рақамли радиоалоқа воситалари билан таъминланган эди.