Bentley Russia компанияси 12 цилиндрли Flying Spur седанини янги рекорд ўрнатиш мақсадида Байкал кўлига олиб келди.
Bentley автомобилсозлик компаниясининг Россиядаги ваколатхонаси Байкал устидаги музда 1000 км дан кўпроқ масофада ўртача тезлик рекордини ўрнатишга муваффақ бўлди. Заездлар 24 мартда ҳашаматли Bentley Flying Spur W12 седанида 8,7 км лик ҳалқаланган трассада ўтказилди, бу трасса Ольхон ороли яқинидаги муз устидан ўтди. Bentley экипажи 1006 км лик йўлни 11 соату 1 дақиқада босиб ўтиб, ўртача 94 км/соатлик тезликни кўрсатди. Ушбу натижа рекорд натижа бўлди ва у Россия рекордлар китобида қайд қилиниши кутилмоқда.
Бир қараганда, бу рақам ҳайратланарли бўлиб кўринмайди, айниқса 300 км дан юқорироқ тезликлар ҳақида гап кетганда. Бироқ, шуни унутмаслик керакки, автомобиль йўлни босиб ўтиш вақтида белгиланган муз трассасидан чиқиб кетмади, экипаж эса фақатгина ёқилғи қуйиш ва пилотларни алмаштириш учунгина тўхтади. Боз устига, Байкал нафақат рекордчиларнинг "қизғин пойгаси", балки ғайритабиий илиқ об-ҳаво туфайли ҳам эришда давом этди. Дунёдаги энг чуқур кўлнинг сирти кундузи сув қатлами билан қопланиб турди, шунинг учун шиналарнинг илашиш коэффициенти деярли нолга яқин бўлди.
Бу заездда ўртача тезликнинг катта қисми айнан тўхташлар ҳисобига камайиб етди, ваҳоланки Bentley экипажининг максимал тезлиги 239 км/cоатни ташкил қилди, машғулотлар вақтида эса 262 км/соатга етди.
Таъкидлаш жоизки, ўртача тезлик рекорди Bentley Flying Spur W12’нинг серия вариантида, ҳеч қандай такомиллаштиришларсиз, серияли вариантида қўлланган, махсус қопламасиз шиналарда ўрнатилди.
Люкс синфидаги седаннинг турбонаддувли 6,0 литрли двигатели қуввати 507 от кучига ва 660 Нм айлантириш лаҳзасига эриша олади.
