30 март кунининг биринчи қисмида, Россиянинг Приморье ўлкаси, Чернигов тумани ҳудудидаги Черниговка аэродромида штурмчи Су-25 самолёти ҳалокатга учради.
ТАСС агентлиги хабарига кўра, учувчи катапульта қилинган.
"Дастлабки маълумотларга кўра, у жароҳатланмаган", дейди манба.
Қайд этилишича, самолётнинг қулаши мотордаги носозлик туфайли рўй берган бўлиши мумкин.
Хабарда самолёт қулаши ердагиларга зиён етказган-етказмагани ҳақида айтилмаган.