Шу кунларда мамлакатимизга Корея республикаси Меҳнат ва бандликка кўмаклашиш вазири Ли Ги Квон бошчилигидаги делегация ташриф буюрди. Ташриф доирасида Корея томони Ўзбекистон Меҳнат вазири А. Абдуҳакимов билан учрашди. Музокаралар чоғида томонлар меҳнат миграцияси, маҳорат дарслари ва бошқа масалаларга доир ҳамкорликнинг муҳим жиҳатларини муҳокама қилишди.
Музокаралар натижасига кўра, Ўзбекистон Республикаси Меҳнат вазирлиги ва Корея Республикаси Меҳнат ва бандлик вазирлиги ўртасида бандликка рухсат бериш тизими бўйича ишчи кучини Корея Республикасига юбориш тўғрисида англашув меморандумини имзолаш маросими бўлиб ўтди.
