Тинч океанидаги давлат бўлмиш Вануатида 7,2 магнитудали зилзила кузатилди. Бу ҳақда Тинч океани цунамидан хабардор этувчи марказ хабар бермоқда.
"Цунами бўлиши кутилмаяпти. Цунами хавфи Гавайида ҳам кузатилмаяпти", - дейилади марказ берган ахборотда.
Зилзила эпимаркази Луганвилл шаҳридан 140 км. шимолда қайд этилган. Унинг ўчоғи 40 км. чуқурликда жойлашган.
Жабрланганлар ва вайронагарчилик ҳақда аниқ маълумотлар йўқ.
Маълумот учун: Вануату — Тинч океани ҳудудида жойлашган мамлакат бўлиб, аҳолиси 267 минг фуқароси бор.