Хитойнинг CarNewsChina сайти BAIC компанияси яратган электр суперкарнинг биринчи расмий фотосуратларини чоп этди. Машина 25 апрелда Пекин автосалонида илк бор намойиш қилинади.
Купе BAIC‘нинг Барселонадаги дизайн-марказида Campos Racing испан пойга жамоаси мутахассислари иштирокида яратилди. Машина Хитойнинг China Racing жамоаси "Формула-Е" электр болиди негизида қурилди.
Суперкарнинг узунлиги 4570 миллиметр, эни 2040 миллиметр, баландлиги 1214 миллиметрни, ғилдираклар базалари ўлчами 2800 миллиметрни ташкил қилди.
Автомобилнинг техник кўрсаткичлари сир сақланмоқда. Шу нарса маълумки, янги машина 100 км/соат тезликка 3 сонияда эриша олади, максимал тезлиги эса 260 км/соатни ташкил қилади. Янги машина қайта қувватлашсиз 300 км гача йўл боса олади.
2015 йил охирида BAIC харидорлар учун Tesla Model S модели билан рақобатлаша оладиган электрокар яратишини эълон қилганди.