Британия ҳукумати Ҳиндистон ва непаллик етим болалар савдоси билан қизиқиб қолди. Бу ҳақда The Sun нашрида чоп этилган материалда маълум қилинди. Бу материал Туманли Альбионда катта шов-шувга сабаб бўлди. Буюк Британия ички ишлар вазирлиги бу мақолага эътибор қаратди.
Гап охирги йилларда Ҳиндистон ва Непалда содир бўлган вайронакор зилзила вақтида жабрланган болалар ҳақида кетмоқда. Бундай болалар минглабни ташкил қилмоқда. Улардан кўпчилиги етим қолган, айнан шундай болаларга биринчи навбатда одам савдогарлари "ов қилади". Мисол учун, 10 ёшли ўғил ва қиз болаларни 5 минг фунт стерлингга сотиб олиш мумкин. Келишув бор-йўғи бир неча дақиқани олади.
The Sun журналистлари 8 йилдан бери одам савдоси билан шуғулланиб келадиганлардан бири билан суҳбатлашишга муваффақ бўлди. У бу "бизнес" тафсилотлари ҳақида гапириб берди. Болалар британ оилаларига хизматкор ёки хизмат кўрсатувчи ходимлар сифатида таклиф қилинади. Баъзида улар узоқ қариндошлардек таништирилади.
Болаларда ҳеч қандай ҳужжатлар бўлмаганига қарамасдан, Англияда бу ҳужжатларни маълум ҳақ эвазига тезгина тайёрлаб берадиган одамлар мавжуд. Сотилган болалар эгаларига ишлашга мажбур қилинади. Уларнинг ортларига қайта олишларининг имкон йўқ.