«Реал» ҳимоячиси Даниэль Карвахаль «Вольфсбург»га қарши учрашув олдидан фикрларини билдириб ўтди.
«Мен Вольфсбургда ўтказган 2та ўйинимни эслайман. Бу ўйинлар Германия Кубоги доирасида бўлиб ўтганди. Икки сафар ҳам менинг жамоам («Байер» - таҳририят) ютқазган. «Вольфсбург» майдонида ўйнаш қийин. Бу жамоа юқори прессингдан фойдаланади. Мен аниқ айтишим мумкинки, бу ўйинда бизга осон бўлмайди.
«Реал» ғалаба қозониш учун келди. Биз ҳали Мадридда кечадиган жавоб учрашувида нима бўлишини айта олмаймиз. Шунинг учун, биринчи ўйинни керакли даражада куч билан бошлаб, босим орқали гол уришимиз керак бўлади. Сафардаги голлар ўз мақсадимизга эришишда катта устунлик беради.
Шу билан биргаликда ҳимояда яхши ўйнаб, гол қўйиб юбормаслигимиз талаб этилади. Бу ишни ўтган босқичдв «Рома»га қарши ўйинларда уддаладик. Биз фақат «Шахтёр»дан гол ўтказиб юборгандик, ўшанда 20 дақиқа давомида ўйинимиз қовушмаганди. ЕЧЛнинг плей-офф ўйинида гол ўтказмасанг, бир оёғинг билан кейинги босқичда бўлади дейиш мумкин», – дейди футболчи.