Шимолий Корея етакчиси Ким Чен Ин 7 апрель куни 2013 йилда ўз фармонига биноан барпо этилган йирик машинасозлик заводига ташриф уюштирди. У ташрифи чоғида ўта замонавий машинасозлик маҳсулотлари ишлаб чиқариш лозимлигига эътибор қаратган. Бу ҳақда Корея марказий телеграф агентлиги хабар қилган.
Ким Чен Ин ишлаб чиқариш жараёнини кузатиб, йиғув цехларида бўлган, завод қошидаги электрон кутубхона фаолияти билан танишган.
Ким Чен Инга сафари мобайнида Шимолий Корея ҳукмрон партияси арбоблари, хусусан синглиси Ким Ё Чжон ҳамроҳлик қилган.
Айтиш жоизки, КХДР раҳбари шу йил бошидан бери ноҳарбий иқтисодий ишоотларни тез-тез бориб кўрмоқда.