7 апрель куни кечқурун Буюк Британия бош вазири Дэвид Кэмероннинг отаси Иэн Кэмероннинг офшоридан даромад олганини тан олди. Бу ҳақида "Панама архиви"дан маълум бўлди.
Авваллари офшор билан боғлиқ саволларга жавоб бермаган Кэмероннинг сўзларига кўра, у отасининг бизнесида унча катта бўлмаган улушга эга бўлган, аммо вазирликка тайинланишидан олдин уни сотиб юборган. "Медуза" нашри Британия вазирига энди нима бўлиши тўғрисида ёзган.
Дэвид Кэмерон офшорга алоқаси борлигини истамайгина тан олди. Унинг Blairmore Holdings офшор фирмасида улуши бўлган. Вазирнинг билдиришича, у 1997 йилда турмуш ўртоғи билан 12,5 минг фунт стерлингга компаниянинг 5 минг акциясини сотиб олган. 2010 йилда юқори лавозимга тайинланишидан аввал акцияларини 31,5 минг фунтга сотган. Қўлга киритилган даромад учун солиқ тўламаган.
"Мен акцияларга эга бўлганман, албатта. Ахир менинг отам брокер бўлган", - деди у.
Камэроннинг қонунни бузгани тўғрисида ҳеч қанақа ҳужжатлар йўқ. Вазир офшорлардан аллақачон узоқлашганини ва айнан ўзига тегишли солиқларни қонунга мувофиқ равишда ўз вақтида тўлаганини билдирди. Отасининг ўлимидан кейин британиялик вазирга ундан 300 минг фунт стерлинг қолган. Отаси вафоти туфайли бу пулларни топишда отаси солиқ тўлаган-тўламагани Кэмеронга қоронғу бўлиб қолди.
"Бу Кэмероннинг ҳаётидаги энг мудҳиш ҳафта бўлса керак. Британия вазирини тўғри жавобдан қочишда ва ёлғончиликда айблашмоқда. Парламент аъзоси Жон Маннанинг фикрича, энди консерваторларнинг етакчисида истеъфога чиқишдан бошқа чора йўқ", дейилади хабарда.
Бироқ офшорлар Кэмероннинг ягона муаммоси эмас. Уни Буюк Британиянинг ЕИда бўлишининг қандай ижобий томонлари борлиги ҳақидаги буклетларга кетган 9 миллион фунт стерлинг учун ўзининг партиядошлари қаттиқ танқид остига олишди. Консерваторлар буни пулни кўкка совуриш деб тушуниб, бу пулларни соғлиқни сақлаш тизимига сарфлаш керак эди. The Daily Telegraph нашрининг маълум қилишича, ҳозирги можаро партия ичидаги ўзаро курашни янада кучайтиради ва консерваторлар партияси раҳбарининг ўзгаришига олиб келиши мумкин.