«Манчестер Сити» жамоаси Дортмунднинг «Боруссия» жамоаси билан яримҳимоячи Илкай Гюндоганнинг трансфери бўйича келишувга эриша олмаяпти.
Sky Sports нашрининг ёзишича, томонлар Германия терма жамоаси аъзоси бўлган бу футболчининг трансфери нархини белгилашда 10 миллион евролик тафовут қайд этишмоқда. «Сити» футболчи учун 35 миллион евро таклиф қилган, «Боруссия» эса футболчисини 45 миллион евродан камига бермаслигини билдирган.
Футболчи германияликлар жамоаси билан шартномани узайтирмади ва у 1 йилдан кейин эркин агентга айланиши мумкин.
Бундан олдинроқ, Гюндоган «Сити» раҳбарияти билан оғзаки келишувга эришгани ва бу жамоага ўтгач, йилига солиқлар чиқариб ташланган ҳолатда 6 миллион евро маош олиши ҳақида хабар берилганди.