Франция футбол федерацияси терма жамоа ҳужумчиси Карим Бенземани Европа чемпионатига иштирок этадиган таркибга киритмаслик бўйича ташкилот президенти Ноэл Ле Грэ терма жамоа бош мураббийи Дидье Дешамнинг қарори бўйича тушунтириш бериб ўтди.
«Қийин вазиятда Ноэль Ле Грэ ва Дидье Дешам Карим Бензема масаласига ойдинлик киритиш масаласида учрашиб олишди. ФФФ президенти ва терма жамоа бош мураббийи спорт натижалари муҳимлиги, бироқ терма жамоага таклиф этилишда алоҳида ажратиб кўрсатиладиган банд эмаслигини таъкидлашди. Жамоавий муҳитни шакллантиришда футболчининг ахлоқий нормалари ҳам ҳисобга олиниши қайд қилинди», дейилади федерация берган баёнотда.
Бундан олдинроқ, Бензема Франция термасининг Евро-2016 учун таркибига киритилмагани ҳақида маълум қилганди.
Эслатиб ўтамиз, Франция футбол федерацияси Матье Валбуэнани шантаж қилиш иши юзасидан 2015 йилнинг декабрида Бенземани терма жамоадан вақтинча четлаштирганди.
Март ойида эса Франция апелляцион суди ҳужумчидан Валбуэнага нисбатан товламачилик иши бўйича назоратни қисман олиб ташлаганди. Шунга қарамай, 28 ёшли ҳужумчи Франциянинг Голландия ва Россия термаларига қарши март ойида бўлиб ўтган ўйинларига чақирилмаган эди.