Шаҳзода Уильям умр йўлдоши Кейт билан 10 апрель куни Ҳиндистонга ташриф буюришди ва у ерда крикет бўйича хайрия ўйинида қатнашишди.
Кейт бу тадбирда Донгре исмли ҳинд дизайнерининг ёзги коллекциясидан бўлган енгил кўйлагини кийиб келди. Бу кўйлак унинг учун бир оз ўзгартирилган эди.
Таъкидланишича, қироллик оиласи аъзосининг ушбу кўйлакдаги суратлари тармоқда бир неча соатдан кейин тарқалган ва дизайнернинг сайти ишламай қолган. Чунки худди шундай кийимни харид қилиш учун жуда ҳам кўп қўнғироқлар ва электрон хатлар унга кела бошлаган.
Бундан ташқари, буюртмалар Буюк Британия, Австралия, Канада ва АҚШ мамлакатларидан ҳам келган. Бир оз вақт ўтиб унинг сайти яна ишлай бошлаган.
Донгренинг сўзларига кўра, Кейт унинг кўйлагини кийишини билмаган ва шаҳзода Уильям турмуш ўртоғининг крикет ўйинидан олинган суратлари у учун катта совға бўлган.
Хабар берилишича, герцогиня Кейт кийган кўйлак 14 минг ҳинд рупийси, яъни 210 доллар этиб баҳоланган.
