Хитойнинг Хэфэй шаҳридаги Хитой фан ва технология университетида оммага янги интерактив робот намойиш қилинди. Цзя Цзя андроиди ҳақиқий аёлга ўхшайди: у таом тайёрлашни, ҳаракатланишни билади ва жонли мимикага эга. "Илтимос мени жуда яқиндан суратга олманг – бу юзимни тўла қилиб кўрсатади", деб айтди робот журналистларга.
Робот яратувчиларининг айтишича, Цзя Цзя 3 йил давомида яратилган, унинг аввалги роботлар авлодидан фарқи шундаки, унинг кўзлари табиийроқ ҳаракатланади, нутқи эса лаблари ҳаракати билан синхронлаштирилган. Японияда бундай робот бадиий фильмда бош роль ижро этишга ҳам улгурди.
