АҚШ президентлиги сайловларида, умуман, АҚШ сиёсатида пуллар катта роль ўйнайди. Бу ҳақда америкалик актёр Жорж Клуни NBC телеканалига берган интервьюсида айтиб ўтган. Шу ўринда айтиб ўтиш керакки, актёрнинг ўзи АҚШ президентлигига демократлардан номзод ҳисобланмиш Ҳиллари Клинтон номзодини фаол қўллаб-қувватлаб келмоқда.
Унинг таъкидлашича, сўнгги кунларда Калифорния штатида ташкиллаштирилган иккита кечки овқатга ташриф буюрган. Ташриф нархи 33,4 минг АҚШ долларидан 353 минг АҚШ долларигача баҳоланган. Актёрнинг айтишича, тушган пуллар Клинтоннинг сайловолди дастурини қўллаб-қувватлаш ҳамда демократларнинг АҚШ Конгрессидан ўрин эгаллаш масалаларига сарфланади.
Журланлистнинг унга АҚШ сиёсатида пуллар катта роль ўйнаши ҳақида берган саволига Клуни: “Ҳа, шундай деб ўйлайман”, деб жавоб қайтарган.