АҚШнинг собиқ Давлат котиби Хиллари Клинтон АҚШ президенти лавозимига Демократик партиядан праймеризда Нью-Йорк штатида ўзининг рақиби сенатор Берни Сандерсни ортда қолдирди.
Сайловчилар билан ўтказилган сўровномадан олинган дастлабки натижаларга кўра, Клинтон Нью-Йорк штатида 53 фоиз овоз, Сандерс эса 47 фоиз овоз тўплаган, деб хабар бермоқда ABC News телеканали. Бироқ якуний натижалар фарқ қилиши мумкин.
Нью-Йоркдаги праймериздан июлда бўлиб ўтадиган партиядан президентлик сайловларида иштирок этувчи ягона номзодни аниқлашда делегатларнинг 247 овози боғлиқ бўлади.
Айни вақтда Клинтонда делегатларнинг 1758 та овози, Сандерсда эса 1076 та овози бор, шунинг учун бу натижа ҳал қилувчи бўлиши мумкин.