Ўзбекистон Республикасида 2016 йилнинг биринчи чорагида (январь-март ойларида) хориж валютаси иштирокида яна 109 корхона рўйхатдан ўтказилган. Бу ҳақда Ўзбекистон Давлат статистика қўмитаси матбуот хизмати хабар берди.
Улардан Тошкент шаҳрига 78та, Тошкент вилоятига – 9та, Самарқанд ва Сирдарё вилоятига 4тадан корхона тўғри келади.
Хусусан, Россия Федерацияси резидентлари иштирокида 21та, Хитой Халқ Республикаси – 20, Корея Республикаси – 10, Қозоғистон Республикаси – 9, Буюк Британия – 8, Туркия Республикаси – 7 ва Ҳиндистон Республикаси резидентлари иштирокида 5та корхона ташкил этилди.
2016 йилнинг 1 апрель ҳолатига кўра, Ўзбекистонда хорижий валюта иштирокида фаолият юритаётган корхоналарнинг умумий сони 4,9 мингтага етди.