Россия Ташқи ишлар вазири Сергей Лавровнинг маълум қилишича, Россия Суриянинг янги конституцияси БМТ талабидаги 6 ойдан ҳам тезроқ вақт ичида ишлаб чиқилишини истайди. Бу ҳақда РИА Новости агентлиги хабар тарқатган.
"Биз бу жараён учун камроқ вақт сарфланишини ва 5 ой ичида Суриянинг янги конституцияси ишлаб чиқилиб, референдум ўтказилишини истаймиз", деган у Москвадаги матбуот анжумани вақтида.
Шу билан биргаликда вазир бу натижага эришиш учун "жим қараб турмаслик ва эшикларни ёпиб олмаслик" кераклигини таъкидлаган.
Бундан олдинроқ, Сурия бош вазири Воил ал-Халқи Дамашқ янги ҳукумат шаклланганидан кейин конституция бўйича референдум ўтказишга тайёрлигини билдирганди.