Converse фирмасининг ривожланишини назорат қилувчи Nike компанияси унга янги бош директорни сайлади. Pambianconews хабар беришича, компанияда 20 йилдан бери фаолият олиб бораётган италиялик Давиде Грассо Converse директори этиб тайинланди. Собиқ директор Жим Калхун эса ўзининг янги қизиқишлари билан шуғулланиш мақсадида компанияни тарк этгани маълум бўлди.
Бу лавозимлардаги ягона ўзгариш эмас. Global Brand Creative and Experience йўналишининг вице-президенти Грег Ҳоффман маркетинг бўйича директорга айланди. Nike оёқ кийимлари бўлимини бошқарувчи раҳбар Майкл Спиллейн эса маҳсулот ва мерчендайзинг департаментининг президенти лавозимига кўтарилди.
Converse компанияси 1908 йилда ўз иш фаолиятини бошлади. Брендга Массачусетс штатининг Мэдлен шаҳрида Converse Rubber Shoe Company фирмасини очган Маркус Конверс асос солди. 1917 йилда у баскетбол ўйини учун оёқ кийимлар ишлаб чиқаришни бошлади. All Star деб номланувчи модель баскетболчи Чак Тейлор шарофати билан машҳур бўлиб кетади. 1921 йилда у компания юзига айланади, унинг имзоси эса All Star логотипларига муҳрланди. Ҳозирги вақтда мазкур модель тарихида энг кўп сотилган оёқ кийим ҳисобланади. Айни дамда Converse ривожига Nike компанияси жавобгар.