3 май куни Ташқи ишлар вазирлигида Франция Республикасининг Фавқулодда ва мухтор элчиси Жак-Анри Эльс билан учрашув бўлиб ўтди. Бу ҳақда вазирликнинг ахборот хизмати хабар қилади.
Қайд этилишича, суҳбат чоғида муносабатларни ривожлантиришнинг амалий масалаларига асосий эътибор берган ҳолда турли соҳалардаги икки томонлама ҳамкорлик сарҳисоб қилинди.
Мулоқот давомида Ўзбекистон-Франция ҳамкорлиги институтларининг навбатдаги йиғилишларини ўтказиш муддатлари ҳамда Ўзбекистон ҳудудидаги тадбирларда, жумладан халқаро ихтисослашган кўргазмаларда Франция компанияларининг иштироки юзасидан фикр алмашилди.
