АҚШ фуқаролик авиациясининг самолёти ва оқ бошли сувбургут (орлан) тўқнашиши оқибатида инсонлар ҳалок бўлди, деб хабар бермоқда ТАСС ахборот агентлиги.
Cessna 172 самолёти 20 апрелда Аляска штатидаги Анкориж шаҳри яқинида ерга қулаган эди. Фалокат оқибатида самолёт бортидаги 4 киши ҳалок бўлганди. Гувоҳларнинг айтишича, бу мамлакат тарихида ҳаво кемасининг сувбургут билан тўқанишиши оқибатида исонлар ҳалок бўлган биринчи ҳолатдир.
Таъкидланишича, АҚШда аввал ҳам бу қуш билан самолётларнинг тўқнашиши ҳолатлари юз берган, бироқ бундай нохуш воқеалар фақатгина жиддий жароҳатларга олиб келганди, уларда инсонлар ҳалок бўлмаганди.
Мутахассисларнинг айтишича, фалокат жойида қушнинг патлари топилган. Айнан шу ҳолат фалокат сабабларини ўрнатишга имкон берган.