Мехико раҳбарияти бугун, 5 май куни шаҳар кўчаларида юк ва енгил автомашиналар сонини 40 фоизга камайтиришга қарор қилди. Бунга ҳавонинг ҳаддан зиёд ифлосланиши сабаб бўлди.
Охирги уч кунда шаҳарда транспортлар ҳаракатланишини чеклаш қатъийлашди.
Март ойида шаҳар ҳокимияти томонидан қабул қилинган қарорга биноан, бегим кунлари машиналарнинг бешдан бир қисми ҳаракатланмаслиги лозим. Ҳайдовчи қайси кунлари автомобилидан фойдаланиши мумкинлиги унинг рақамига боғлиқ.
Ҳозирча ушбу чекловлар экология учун жиддий самара бермади. Чоршанба куни Мехико осмонидаги смог (асосан йирик саноат шаҳарларида тутун, қурум, кул зарралари, чанг, ёнилғи буғи кабилар аралашмасидан иборат заҳарланган ҳаво) сақланиб турди, ҳавонинг ифлосланиш даражаси эса нормадан юқорилигича қолди. Натижада, кўчага чиқиши мумкин бўлмаган автомобиллар сони 20 фоиздан 40 фоизга оширилди.
Шаҳар ҳокимияти вакиллари ушбу ҳолатга Мехико учун хос бўлган иссиқ ва қуруқ баҳор фаслини рўкач қилмоқда. Шамол деярли эсмайди, кундузи қуёш қиздиради. Бу эса Мехико осмонидаги смогнинг асосий таркиби бўлган азон ҳосил бўлишига олиб келади. Ҳозир унинг тўйинганлик даражаси нормадан 1,9 баробар юқори.
Автомобиллардан фойдаланишни чекловчи тақиқлар ёмғир мавсуми бошланганда - июнь ойида бекор қилинади. Шунда шаҳар ҳавоси бир қадар тозаланади.
Экологларнинг фикрига кўра, автомобиллар ҳаракатини чеклаш ҳаво сифатига жиддий таъсир этмайди. Бу йўл билан муаммони ҳал этиш мумкин эмас. Шаҳарда саноат корхоналари жуда кўп.
2014 йили шаҳарда 4,7 миллион автомобил рўйхатга олинган.