YouGov томонидан ўтказилган ижтимоий сўровнома маълумотларига кўра, тарихда биринчи марта мусулмон киши Лондон мэри бўлиши мумкин.
Лейборист ва келиб чиқиши покистонлик бўлган Содиқ Хон Лондон мэрига сайловларнинг 1-босқичида 43 фоиз овоз, бу орада унинг асосий рақиби – аристократ Зак Голдсмит 32 фоиз овоз йиғиши мумкин.
Якуний натижа эса Хон фойдасига 57 фоизга 43 фоиз овозни ташкил қилиши мумкин.
Сўровнома 1574 киши орасида 2-4 май кунлари ўтказилди.
Содиқ Хон — покистонлик муҳожирларнинг 8 фарзандидан бири бўлиб, у Лондоннинг жанубидаги қашшоқ туманда автобус ҳайдовчиси оиласида кичкина хонадонда вояга етган. У мактабдан кейин ва таътил вақтларида қурилишда ишлаган. Кейинроқ у Буюк Британия транспорт вазири лавозимини эгаллашга муваффақ бўлган.
Лондон мэри сайловлари 5 май куни бўлиб ўтди. Унда шаҳарнинг 32 тумани, Лондон Ситиси аҳолиси, шунингдек Лондонда яшовчи Британия Ҳамдўстлиги фуқаролари иштирок этдилар. Сайловнинг расмий натижалари 6 май кечки пайт эълон қилинади. Амалдаги мэр Борис Жонсоннинг ваколати май ойида якунига етади.