8 майда Афғонистонда бензин ташувчи юк машинаси ва иккита йўловчи автобуси тўқнашиши оқибатида ҳалок бўлганлар сони 73 кишига етди. Бу ҳақда Афғонистон ҳукумати маълум қилди.
Аввалроқ 52 киши ҳалок бўлгани ва 73 киши шифохонага етказилгани маълум қилинганди.
Воқеа Ғазни вилоятида, Кобул билан Қандаҳор шаҳрини боғловчи катта трассада юз берган. Тўқнашувдан кейин барча учта транспорт воситаси ёниб кетган.
Маҳаллий ҳукуматнинг маълум қилишича, автобусларда 120 дан кўпроқ одам бўлган. Жароҳатланганлар орасида болалар ҳам бор.
