Мадриднинг «Реал» клуби яримҳимоячиси Хамес Родригесни сотиш ниятида эмаслигини билдирган.
Мадридликлар президенти Флорентино Перес 24 ёшли колумбиялик футболчининг агентига Хамес сотилмаслигини билдирган.
Олдинроқ, Хамесга «Ювентус», «Арсенал» ва Манчестернинг икки клуби қизиқиш билдираётгани ҳақида хабар тарқатилганди.
«Реал» бош мураббийи Зинедин Зиданнинг фикрича, Хамес ёзда яхши тайёргарлик кўрса ва жароҳатлардан фориғ бўлса, келгуси мавсумда юқорироқ даражада ўйинларга иштирок этади.