Лондоннинг шимолида йўловчилар олиб кетаётган икки қаватли автобус дўконлардан бирининг пешойнасига бориб урилди. Бу ҳақда Лондон тез ёрдам хизмати маълум қилди.
Нохуш воқеа Харлсден Хай-стрит кўчасида юз берди. Шифокорларнинг маълумотларига кўра, йўл-транспорт ҳодисаси оқибатида 13 киши жароҳат олди, улардан 2 нафари оғир жароҳатлар олган. Жароҳатланганларнинг барчаси шифохонага етказилган.
ЙТҲга нима сабаб бўлгани ҳозирча номаълум.