АҚШнинг General Motors автомобилсозлик компанияси 130 мингта йўлтанламас машиналари эгаларига товон пули тўлаб бериш бўйича режаларини маълум қилмоқчи, деб хабар бермоқда Reuters ахборот агентлиги.
Агентлик маълумотларига кўра, GM мижозларга маркировкада ёнилғини сарфлаш бўйича камайтириб кўрсатилган кўрсаткичлар ва ҳақиқатда сарфланган ёнилғи орасидаги фарқни тўлаб бермоқчи.
Аввалроқ маълум бўлишича, Дейтройда жойлашган компания 2016 йилда ишлаб чиқарилган 60 минг йўлтанламасни ҳақиқатда сарфланган ёнилғи маркировкада кўрсатилган ёнилғи сарфи билан мос келмаслиги сабабли сотишни тўхтатишини айтган.