Мавсум якунида «ПСЖ»ни тарк этиб, эркин агентга айланадиган швециялик ҳужумчи Златан Ибраҳимович ўз келажаги борасида танловни амалга ошириб бўлганини билдирди.
«Менда Англия, Италия ва бошқа мамлакатлардан аниқ таклифлар бор. Келажагимга аниқлик киритилган, мен бир қарорга келдим. Кнопкани боссам кифоя, барчаси ҳал бўлади.
Жозе Моуриньо? «Интер»дан кетган кунимдан бошлаб у билан бирга ишлашни соғина бошлаганман. Бу «Манчестер Юнайтед» учун тўғри танлов. Олдинга интилишни истасангиз, Моуриньони таклиф қилиш керак. Жозе қаерда ишламасин у доим ўша ерда муваффақиятга эришади», — деди Ибраҳимович.