2 июнь куни Австрия пойтахти Вена шаҳрида ОПЕК конференцияси очилди. Унда Нигерия вакили ОПЕКнинг янги бош котиби бўлди.
Reuters агентлигининг хабарига кўра, картелга Nigerian National Petroleum Corp. (NNPC) собиқ раҳбари (2009-2010 йиллар) Муҳаммад Баркиндо бош котиб этиб сайланган.
Баркиндо ўзининг янги лавозимида 1 августдан ишга киришади ва 3 йил давомида шу лавозимда фаолият кўрсатади.
ОПЕКнинг амалдаги раиси, 2007 йилдан буён шу лавозимда ишлаб келган Абдулла Салим ал-Бадрининг ваколати декабрда тугаганди, аммо янги бош котиб номзоди бўйича келишувга эришилмагани боис у 2016 йилнинг июнигача бош котиб вазифасини бажарувчи этиб тайинланганди.
ОПЕКнинг кейинги, 170-мажлиси шу йилнинг 30 ноябрида Вена шаҳрида бўлиб ўтади.