Аёллар ўртасида дунёнининг биринчи ракеткаси Серена Уильямс Франция Очиқ чемпионати – "Ролан Гаррос"да испаниялик теннисчи Гарбинье Мугурусага ютқазди. Мугуруса икки сетда ғолибликни қўлга киритди.
Мугуруса ҳозирда дунёнинг 4-ракеткаси бўлиб, "Катта дубулға" сериясига кирувчи мусобақани биринчи маротаба ютди. Уильямс эса 3 марта бу нуфузли мусобақа ғолиби бўлган.
Бир йил аввалги Уимблдон мусобақаси финалида ҳам шу жуфтлик беллашганди. Ўшанда америкалик теннисчи ғолиб бўлганди.