Швеция терма жамоаси ҳужумчиси Златан Ибраҳимович Евро-2016 турниридан кейин миллий терма жамоадан кетиши ҳақида эълон қилди.
«Мен Евродан кейин терма жамоадаги фаолиятимни якунлайман», – деган Ибраҳимович.
Швеция терма жамоаси ҳозирча турнирдаги иштирокини давом эттирмоқда. Жамоа гуруҳ босқичининг 3-турида Бельгияга қарши ўйинда майдонга тушади. Бу ўйинда ғалаба қозонилмаса, скандинавлар турнирни тарк этади.
Ибраҳимович фаолияти давомида Швеция терма жамоаси таркибида 115та ўйинда майдонга тушиб, 62 гол урган.
Манба: Tribuna.uz