Мексика шарқидаги Веракрус штатида бир неча ўн кишидан иборат оломон, штатнинг янги сайланган губернатори Мигель Анхель Юнес ва Миллий ҳаракат партияси етакчиси Рикардо Анайя бўлган машинага шиша идишлар билан ҳужум қилишди, деб хабар қилган Анайянинг ўзи твиттердаги саҳифасида.
«Бизга Хавьер Дуарте (штатнинг амалдаги раҳбари) юборган одамлар даҳшатли таҳдид қилишди. Коррупциянинг қонуний тус олишига имкон бермаймиз! Бир қадам ҳам ортга йўл йўқ!», — дейилади Анайя хабарида.
Ҳодиса натижасида икки киши, хусусан сиёсатчиларнинг тансоқчиси ҳам жабрланган.
