Таркибида Mercedes-Benz компанияси ҳам бўлган Германиянинг Daimler концерни, Буюк Британияда шиналарни сув ёрдамида совутиш ёки иситиш тизимини патентлаштирди, деб хабар қилмоқда AutoGuide нашри.
Бу мақсадда фойдаланиладиган сув махсус идишда сақланади. Сенсорлар резина ҳароратини назорат қилиб, зарур бўлганда 3та махсус пуркагич воситасида суюқликни шина юзасига пуркайди. Бу машинанинг тез юриши ва жазирама ҳавода шиналарни исиб кетишдан сақлайди.
Бундан ташқари, тизим совуқ ҳаво мавсумида шиналарга иссиқ сув пуркаш билан музлаш ва шина ичидаги ҳаво босимининг тушиб кетишига имкон бермайди.
Суюқлик идиши ёмғир ва қор ёғиши вақтида олд ёки орқа ойналардан тушадиган сув билан автоматик тўлиши ҳам мумкин.
