Эрон нефть қазиб олишни кўпайтиришда давом этмоқда. Эрон нефтгаз қурилмалари ишлаб чиқарувчилар уюшмаси раҳбари Ризо Падидарнинг Эрон радиосига маълум қилишича, бугунги кунга келиб, мамлакатда бир кеча-кундузда 4,1 млн баррель қора олтин қазиб олинмоқда.
Эрон Ислом республикаси нефть вазирлиги маълумотига кўра, расмий Теҳронга нисбатан халқаро иқтисодий санкциялар амал қилган вақтда, мамлакатда кунига ўртача 3 млн баррелдан кам бўлмаган нефть хом-ашёси қазиб олинган ва қора олтин экспорти 1 млн баррелдан ошмаган.
Йил бошида, санкциялар бекор қилинганидан сўнг, Эрон нефть қазиб олиш ва экспорт қилиш ҳажмини кўпайтириш имконига эга бўлди.
