Туркия президенти Ражаб Тойиб Эрдўған давлат тўнтарувига уринишдан аввал оиласи билан дам олаётган Мармарисдаги меҳмонхонага ҳужум қилган 7 нафар ҳарбий Мармарисда қўлга олинди, деб хабар бермоқда NTV телеканали.
Телеканал меҳмонхонага ҳужум қилишда иштирок этган яна 3 нафар ҳарбийнинг қўлга олинганини маълум қилди.
Туркияда давлат тўнтарувига уриниш содир этилган кечада исёнчи ҳарбийлар Эрдўған дам олаётган меҳмонхонага ҳужум қилганлар. Ҳужум Эрдўған меҳмонхонани тарк этгандан бир неча дақиқа кейин амалга оширилган.
Қолган иштирокчиларни қўлга олиш учун ҳудудга полициянинг қўшимча кучлари юборилган. Ҳужумни амалга оширишда ҳаммаси бўлиб 27 ҳарбий гумон қилинмоқда.
Аввалроқ 4 нафар қочоқ ҳарбий Мармарисдаги йўлда текширув вақтида қўлга олинганди, яна 3 нафари Мармарис-Мугла йўли ёнидаги ўрмонда яшириниб юрган.